ابتزاز خال لابنة اخته جنسياً

ابتزاز خال لابنة اخته، استغلال جنسي حقير! للحظة الأولى لن تصدقوا فعلاً بان الخال قد يقوم بابتزاز ابنة اخته جنسياً! والتي قد يقول الكثيرين منكم أنها قصص من الخيال، والتي من الممكن ان لا تكون سائدة بشكل كبير في مجتمعاتنا ولكنها مع الأسف قد تحدث وبشكل خطير!، تابعوا القصة لآخرها حتى تعرفوا حقيقة هذا الانسان الحقير.

وصلتني رسالة على الانستغرام تقول: إذا ممكن ترد ياريت وحياتك .. قصة حياة أو موت رجاءا رد ..

بتقلي بينفع ارنلك اسا ؟ اخبرتها ان الوقت منأخر حيث كانت الساعة الثالثة فجراً! ولكن ان كانت قصتك تتعلق بابتزاز او تهديد فمن الممكن ان اسمعك، قالت : اه ابتزاز! قلت لها: تفضلي، من الشخص الذي يقوم بابتزازك! اجابت: القصة طويلة بس لازم تفهمها .. قلت لها:  تفضلي، ما الذي حدث؟ … تقول: القصة معقدة كتير وفي حدا بيعرف عني كل شي يعني حتى أدق التفاصيل وانا كتير عم بصيبني حالات خوف من هالبني أدم.. ويمكن انا فعليا غلطت بشيء معين ..

ابتزاز من صفحات السحر والشعوذة

أكملت: إنا عندي حساب إنستغرام وكنت متابعة حساب يلي إسمه * الشيخة أم محمود * ودايما بتحط ستوريهات ومنشورات دعم لناس وقصص بتعالجها عن طريق السحر والشعوذة (بتعرف في كتير من هدول الناس وفايعين بشكل كبير وعم يستغلو الناس )

وكل ما كنت أنزل ستوري أو منشور ، كانت تبعتلي رد معنوي وإيجابي بطريقة ما ، وأنا كنت تعبانة ونفسيتي مش مرتاحة لأسباب شخصية وبرضو ابوي توفى بحادث عمل بنفس الفترة وهالشي كان تأثيرو كتير سلبي عليي ودمرلي نفسيتي ..

وأمي الله يعينها وأخوي الصغير عمرو 10 سنين وانا عمري 21 وهالشي كان كتير صعب وكانت فترة صعبه وبتعرف هالشي … فكان يراودني افكار إني اسالها لهل الشيخة بما إنها بتعرف بالعالم الروحاني والجن ومن ضعف إيماني طبعا رحت وتجرأت وحكيتها في ناس بقولو ابوي انتحر وبدي أعرف الحقيقة بتقدري تساعديني لحتى أعرف القصة .. هي كانت رسالتي إلها

قلتلي اه وبلشت تفحص وتحكي وطلبت مني صوره لأبوي وبعدين صورة إلنا كلنا وطبعا ما حكيتلها اسماء حدا منا غيري انا وهي فجأه  قلتلي اسم ابوي وامي واخوي وهون فعلا نصدمت !! وقلتلي إذا  بدك معلومات اكتر أنا الشيخة إم محمود بعالج كل الناس وبحل مشاكلهن حتى روؤساء العالم !! ( انا هون خفت وقلتلها اسا برجعلك، وانا الصراحة كثير كنت خايفة ومتوترة كيف عرفت عني معلومات وعن عيلتي والفضول قتلني ولله .. رجعت تاني يوم وسألتها كيف أبوي مات ؟؟ حكتلي ابوكي كان مسحور وأغمى عليه من قوة السحر وبعدها وقع على الأرض !! .. حكيتلها عنجد ؟؟ قلتلي اه وأمك قبل ما يموت أبوكي مرضت وعملت عملية الزايدة كمان

بلشت تحكيلي معلومات أكثر دقيقة .. بأي مستشفى كانت والمنطقة وكم يوم كانت وحكت معلومات فعلا خلتني إستغرب وأتأكد إنها هي عندها قدرة وعلم غيب وتعلقت فيها أكثر .. بعد كم يوم بتحكيلي مرحبا كيفك ؟ بدي أخبرك إشي بس للأسف خبر مش منيح .. بعد ما صرت اطلب منها تحكيلي قال بتقلي إمك راح تموت هاد الإسبوع للأسف ورح تضلك إنتي وأخوكي بعذاب كبير ومشاكل كتيرة ومابتخلص .. بس حكتلي في حل وحيد ..

قال في سحر بالبيت وهاد الجن عاشق وبدو إياكي ، بقلها كيف يعني !! (بيني وبين حالي بحكي شو هاد جن عاشق وهبل ،ومن ناحية تانية بديش أخسر إمي ..)

قال بتقلي لازم تبعتي صور إلو وتتقربي منو أكثر .. قلتلها مستحيل ولله بخاف شو جن وهالشغلات !! بتقلي تخافيش أنا رح كون وسيطة بينكم .. قلتلها ع مسؤوليتك ؟! قال اه .. وبعدها بديت أعمل كل شي بتطلبو مني تصورت بدون اواعي والأمور تطورت لمكالمات الفيديو وأكتب على جسمي اشياء ما بعرفها …سالتها اذا الطرف التاني كان مبين قال لا ..

فسألتها : وماذا حدث لاحقاً !! قال فكت السحر إلي على امي وبطل في خطر علينا .. قلت لها: واين المشكلة ! جيتك بالحكي انا الصراحة صحيت على حالي وقررت اعمل بلوك عليها .. لاني شكيت انو هاد واحد (ذكر) مش وحدة وخلص صرت أحلم واتجفل وبطلت اقدر اتحمل وبالاخر عملت بلوك عليها… وبعد يومين ببعتلي من حساب تاني مزيف وكاتبلي إسمعي *مش أنا إلي بنعملي بلوك وقيمة أحسنلك !* رديت عليها وقلتلها خلص أنا بديش أكمل الإشي إلي عملتو حرام لأنه وأنتي أستغليتيني بموقف يلي كنت فيه ضعيفة عنجد !

فرديت وكتبتلها خلص انا بديش اكمل والإشي الي عملتو حرام ولو سمحتي إتركيني بحالي ..

وعملت بلوك .. ردت بعتتلي من حساب تاني بس الكلام كان بطريقة كأنو ذكر إلي عم يحكي فبكتبلي أنا بدي انام معك عالتلفون زي قبل .. قلتلو يعني أنت بني أدم ذكر مش بنت ومش شيخة !! بقلي اه انا شب فأنا هون تسرسبت وخفت اكتر ورحت عاملتلو بلوك بسرعة .. فش كم دقيقه الا ببعتلي على الواتس اب تبعي !! وببعتلي صوري وفيديوهاتي وغير هيك ببعتلي أرقام أعمامي وأخوالي وكل ناسي وانا هالاشي كان كتير صعب عليي وللأسف خضعت من جديد لأستغلال جنسي شنيع أكثر .

وحاليا أنا عم بحكي معك من جهاز  تاني لأنو خفت إنو تلفوني يكون مخترق أو إنه عنجد هو من عالم الجن وهالاشياء .. ياريت تساعدني ولله اذا إنتشر شي بنتحر وكتير متدايقة ساعدني .. !

طمأنتها أني ياساعدها في حل القصة، وان لا تخاف، وأكدت عليها ان تكلم الحديث معه ولكن بشكل قليل إلى ان أقوم بحل القصة.

وهنابدأ عملي، والذي كان فعلاً مختلف عن أي عمل سابقاً، بل وكان من اصعب القصص التي قابلتها في مجال عملي، وكان السؤال الذي يراودني كثيراً أنه كيف توصل لكل هذه المعلومات عن الفتاة، وحتى ان اخترق هاتفها! مع وجود بعض التفاصيل التي لا استطيع ذكرها في هذا المقال والتي كان يقولها للفتاة للتحفظ على خصوصية الفتاة ومن خلال التحقيق المستمر والمتواصل ومتابعة القضية في شركتنا، توصلت للشخص الذي كان يبتز الفتاة، وبدوري طلبت منها ان تقوم بتقديم شكوى رسمية في الشرطة، وانا سأدعمها بتقديم كافة الأدلة للمحكمة حتى ينال عقابه! والتي رفضت رفضاً قاطعاً بدورها، وأكدت انها لا تريد اخبار أي شخص آخر، ولكن قمت بالتواصل مع والدتها، والتي صدمت مما حدث مع ابنتها!

والتي قالت: خالتي الله يرضى عليك حل المشكلة وانا جاهزة لأي إشي، وأكدت لها أنه تم حل القصة بسلام، ولكن اريد منها ان تتقدم بشكوى في الشرطة، وانا بدوري سأقوم بتقديم الأدلة كاملة، ولكنها رفضت كي لا تفضح ابنتها!

وفي اليوم التالي قدمت الفتاة ووالدتها للشركة، وقد شعرت بالشفقة الكبيرة على حال العائلة، واخبرتهم اني سأسرد عليهم القصة كاملة والتي قد تكون صادمة لهم، ولكن أتمنى منكم ان لا تخبروا احد!

اخبرتهم أن الذي كان يبتز الفتاة فعلياً هو اخوها أي خال الفتاة! قالت مستحيل، فقلت لها سأثبت لكي الآن بالأدلة..

ابتزاز الخال لابنة اخته جنسياً

وشرحت للأم والتي تفهمت بدورها ما حدث مع الفتاة واقتنعت، الا ان بقيتك كلتاهما في حالة صدمة مما سمعتاه، وقمت بالاتصال بخال الفتاة امامهم واخبرته بالإثباتات كاملة، وانها موجودة لدي، وأكدت له انه اخته وابنتها متواجدتان في شركتنا وسنقوم بالتوجه للشرطة لرفع دعوى ضده، ومع الضغط الشديد عليه، حتى انفجر واعترف بخطأه والذي انهار طالباً السماح على الخطأ الذي قام به، وأنه كان تحت تأثير المشروب وبالتأكيد لم يكن ليقوم بفضح الفتاة وغيره.

أغلقت الهاتف معه، وأكدت لها ان هذا اكبر اثبات ان الخال هو الفاعل، وانه بالفعل لم يكن مسجل مسبقاً، وأكدتله ان هذا الانسان يشكل خطراً كبيراً على المجتمع ويجب ان تتم محاسبته، والتي رفضت وأكدت انها ستحل المشكلة مع اخاها بطريقتها، و هنا كان انتهى دوري في القصة والتي انتهت بسلام.

ومن هذه القصة التي سردت ابتزاز خال لابنة اخته، والتي يجب أن نأخذ العبرة والعظة، ونتوخى الحذر الكبير من الناس المقربين لنا، ان نكون على قدر كافي من الوعي الكبير بشأن صفحات السحر على انفسنا وعلى ابنائنا وبناتنا وعائلاتنا، فهذه الحياة أصبحت مليئة بالقصص المخيفة والناس القذرين، كي لا نصل لما وصلت اليه هذه الفتاة! ويجب ان لا ندع أي شي يهزمنا ويعرقل طريقنا في هذه الحياة، وان لا نلجأ لمثل هؤلاء الأشخاص الاستغلاليين والمنحطين منعدمي الإنسانية!

يرجى مشاركة المنشور على أوسع نطاق لتعم الفائدة للجميع.

تحياتي المهندس احمد بطو مختص امن المعلومات والجرائم الإلكترونية

وسفيراً لنوايا الحسنة لمنظمة يونتيك الدولية للأمان على الإنترنت

جميع الحقوق محفوظة لشركة سايبر وان المختصة في الامن السيبراني والجرائم الإلكترونية لا يحق لكم نقل او اقتباس اي شيء بدون موافقه الشركة قد يعاقب عليها القانون.

للتواصل info@cyberone.co

00972533392585