عصابة خطيرة تستهدف أبنائنا وبناتنا، الحذر ابتزاز جنسي ومادي قادم! اول ما قد يخطر ببالكم ان احداث القصة التي سأرويها انا ما هي إلا من وحي الخيال، او حتى قد تكون قصة مؤلفة مستحيل ان تحدث مع أي شخص! ولكن مع الأسف فأحداث قصتنا تتكرر بشكل كبير في أيامنا هذه، ومن الضروري أن تقرؤوا القصة جيداً لتعرفوا ما حدث مع هذا الشاب من أحداث غريبة وسريعة بشكل لا يعبر إلا عن قلة الوعي.

في أوقات الليل المتأخرة وصلتني رسائل عديدة متتالية على حسابي وبشكل مكثف، من شاب معين يقول: إذا ممكن ترد بسرعة ! واذا في امكانية أتصل عليك بكون أفضل وبعرف انو الساعة متأخرة خيا بس ضروري لو سمحت تساعدني (انا بوضع كتير صعب وتحت تهديد وابتزاز وانا معروف بالبلد إلي ساكن فيها بصفتي دكتور لو سمحت ..)

قلت له: تفضل، ثم قام بالاتصال بي، وقال: مرحبا خيا سامحني اني ازعجتك بهالوقت بس والله مجبور كثير.

اجبته: تفضل، كيف أستطيع مساعدتك؟!

فقال لي: القصه وما فيها انو انا دكتور مخلص من اربع سنين وسافرت على رومانيا والتقيت بالصدفة مع صبية بالمطار غاد.. وكان بدها تلفون تستعمله وأعطيتها تلفوني عأساس بدها تحكي مع اختها وبعتت رسالة من الواتساب لأختها عاساس توخدها من المطار لأنو تلفونها خالص شحنو وما بعرف شو .. وبعدها يقول هون بلش الإبتزاز فعلياً ..

فسألته: ماذا تقصد ببدأ الابتزاز؟؟!

عصابة خطيرة تستهدف أبنائنا وبناتنا

أجاب: راح افهمك.. بعد ما وصلت الأوتيل بكم ساعة بتوصلني رسالة من رقم غريب وبتحكيلي شكرا الك انك ساعدتني وانا بقدر هاد الاشي كثير ! (انا تفاجئت كتير مين هالشخص وهالرقم هاد !)

وبلش الخراف بيناتنا ..من وين انتي؟ وشو جاي تعملي.. والخ… وبعدها بيوم بتقلي انا جاي عنفس المنطقة بنفع التقي فيك ونشرب فنجان قهوة وفيك تعتبروا كشكر إلك عالحدث إلي صار وساعدتني فيه ..

فأنا ما كان عندي مشكلة اطلاقا ! والصراحة البنت كثير حلوة وما بتوقع اي شب بيرفض هيك شي يعني ..

المهم التقينا بهداك اليوم وبتحكيلي السياحة حلوة كثير هون وبعرف منطقة شو رايك نروح عليها (ومن هالحكي إقناع ) وشدت علي وانا صراحة وافقت..

ورحنا وكانت المنطقة حلوة فعلا وبلش الكلام الحلو والغزل وتتقرب مني شوي شوي وتحكيلي إنها كيف اجت لهون وتغربت من بلادها ونفسها تلاقي الشب المناسب وأنها اوبين مايند (لحتى تشدني أكثر الها )

قلت له: ثم ماذا حدث؟؟

يقول: بلاخر روحنا على بيت انا وياها وصار الي صار بينا (اشياء جنسية وتقرب أكثر بتعرف يعني بنت حلوة وبشقة لحالنا وتتقرب مني ، أنا ك رجل بلحظة ضعف اتقربت منها فعلا ) ..

وخيا بكل صراحة كنت مستغرب من حالي كيف صار هيك اشي بهالسرعة وكان عندي شوية خوف ..ولما روحت على البلاد رجعت تأبعتلها وألا عاملة علي بلوك!! وما بعرف شو السبب الصراحة ..(لكن بعقلي حكيت إنو منيح إلي مضى الأشي ع خير بدون عواقب ..)

الحذر ابتزاز جنسي ومادي قادم من عصابة خطيرة

..المهم مرق اسبوع ولا رسالة وصلتني.. معك لحد الساعة 8 الصبح تحول 5000$ أو بنفضحك !

وبعتولي الأصدقاء الي عندي على الفيسبوك والانستغرام .. انا فكرت حدا بتهبل بقلو إذا معك اشي ابعت حتى اصدق وانا ما فكرت اصلا بالسفرة اطلاقا كمان مره فكرت حدا بتهبل !

ما شفت ولا هو بعتلي فيديو انا والبنت برومانيا وبقلي شو رايك ?

انا هون بطلت اعرف شو اعمل بصراحة من الضغط خفت وروحت حولت المصاري واتفقنا خلص انو راح يمحى كل إشي ..( من خوفي إنو يصير شي رحت بدون تردد حولت المصاري ..)

فش كم يوم اخوي الا ببعتلي بدي كمان 4000$ ومنخلص كل القصة وبوعدك ما راح ارجعلك وكلمة زلام بس انا مجبور بنتي عندها عملية ولازميني ورح ابعد عنك بس اخر مبلغ وبمسح كل شي بخصك ..

وانا هون قلتلو ما معي اصلا المصاري أخذتهم قرض من البنك لحتى حولتلك ياهم .. بس للأسف ما اقتنع ورفع الفيديو على موقع اباحي وانا كتير متوتر الله يوفقك خيا ساعدني وانا حكيتلك معروف بالبلد كوني دكتور واذا نفضحت مشكلة كبيرة وكمان مشان أهلي ..

وحياتك ساعدني امحاه قبل ما انفضح

طمأنته: اني فهمت ما يقصده، وقصته ليست الأولى التي تمر عليا، لكونها حدثت مع اشخاص كثر قبله وقعوا بنفس الطريقة او بطرق أخرى! من بلدان كثيرة مثل تركيا او اليونان او الأردن او مصر وغيرها وحالات اكثر تعقيداً بالفعل!

بعدما حصلت على كافة المعلومات الخاصة به واني بالتأكيد سأفعل كل ما بوسعي كي أساعده في حل قصته.

بدأت العمل، فقمت بحذف الفيديو عن الموقع الإباحي وأيضاً حجبت المقطع عن جميع مواقع التواصل الاجتماعي مع بعض الأمور التي لا أستطيع ذكرها لسرية العمل! وانتهت القصة على خير ودون أي فضيحة.

من الجدير ذكره، أنه قد وصلني أكثر من 32 شخص وكلهم من مناصب عليا ومنهم المسؤولين، وبعضهم اشخاص متزوجين ولديهم عائلات ولديهم احفاد، وقد تعرضوا لابتزاز هذه عصابة خطيرة تستهدف أبنائنا وبناتنا مع الأسف! وهذا كان دافعي الأول وراء التوضيح للجميع أن هذه القصص تحدث في العالم حولنا وبشكل كبير وخطير ويجب أن نشدد على الثقة فهي أمر مهم جداً، فبجرد كونك وثقت بشخص ما او فتاة معينة وقجمت لها هاتفك لتستعمله بكامل الحرية بهذا الفعل قد يجربك لمصائب انت لم تتكن لتتوقعها وتظن انك قمت بعمل انساني ومساعدة للغير! يجب ان نكون حذرين بالفعل، كون العدد الذي وقع في مثل هذه المشكلة ليس بقليل او هين، ولا تشمل هذه القصة من حدث معهم نفس الأمر ولكنهم دفعوا مبالغ مالية لينهوا قصتهم! فكوننا نعيش في عالم أغلبه اشخاص متعلمين وواعية، فلابد أن يعكس هذا الشيء بالإيجاب على حياتنا الشخصية! وما يجعلني في حيرة واستغراب كبيرين عندما تصلني رسائل للمساعدة من اشخاص كبار في السن ومتعلمين ولديهم احفاد!

دعونا نرتقي بأفكارنا وأخلاقنا، ولنكن حذرين أكثر! حاولوا ان تعتبرا أنفسكم انكم تعيشوا بالفعل في غابة، حيث يجب ان تحافظ على نفسك وعلى عائلتك بكل ما لديك!

أتمنى من الجميع مشاركة المقال على أوسع نطاق كي تعم الفائدة على الجميع.

تحياتي المهندس احمد بطو مختص امن المعلومات والجرائم الإلكترونية

وسفيراً لنوايا الحسنة لمنظمة يونتيك الدولية للأمان على الإنترنت

جميع الحقوق محفوظة لشركة سايبر وان المختصة في الامن السيبراني والجرائم الإلكترونية لا يحق لكم نقل او اقتباس اي شيء بدون موافقه الشركة قد يعاقب عليها القانون.

للتواصل info@cyberone.co

00972533392585

قصص حقيقية عن الابتزاز الإلكتروني

CyberoneAuthor posts

المهندس احمد بطو مختص أمن المعلومات والجرائم الإلكترونية وسفيراً لنوايا الحسنة لمنظمة يونتيك الدولية للأمان على الإنترنت.

1 Comment

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *