صديق زوجها يبتزها
أستغلال الظروف لا دين له
بنعيش اليوم بأدنى واحقر حقبة تاريخية ممكن تتخيلوها وعلى الرغم من انو الجاي حيكون اوسخ وأقذر من هالحال، الإنسان منا ما بيقدر يأمن لأي حدا ع حالو او أهله ولا حتى اقرب الناس اله، لهيك لازم ما تعطي المجال لاي حد أنه ينتهز الفرصة ويقدر يبتزو أو يبتز اي برد من أفراد عيلتو حتى لو كان الموضوع مسألة حياة أو موت، تابعو حكايتنا المأساوية لليوم لحتى تعرفوا شو صار مع صاحبة قصتنا.
من خلال عملي اليومي في وحدة الجرائم الإلكترونية التابعة لشركة سايبر وان بتصلني رسالة محولة من قسم السكرتارية عن فتاة متزوجة تحت الابتزاز الشديد، من قبل صديق زوجها وتريد التحدث معي انا فقط، فطلبت من السكرتارية تحويل المكالمة بشكل عاجل ورديت عليها – مرحبا احمد بطو، حكتلها اه تفضلي، قلتلي داخله عليك تساعدني قبل ما انقتل ، فحكتلها هدي واحكيلي شو القصة بكل صراحة وبدون كذب وبكامل تفاصيلها حتى اقدر اساعدك.
فحكتلي وحياه بنتي راح احكي لانو فعلا بدي مساعدتك وانت كنت مساعد صديقة الي من قبلي لهيك واثقة فيك ومش خايفة لاني عارفة لمين جاية، و لهيك طلبت احكي معك بس انت.
صديق زوجها يبتزها
القصة وما فيها انو جوزي كان مقاول كبير وانكسر لانو انتصب عليه من شركات كبيرة وصارت حالتنا المادية كثير صعبة وتحت الصفر، حتى انه كل يوم حدا ينط علينا بدو مصاري لحتى جوزي قرر يشتغل مع صاحب الو قديم وبلش معو شغل والامور شوي تحسنت نوكل ونشرب ويوم من الايام جوزي وصاحبو اجو البيت وجوزي كل فكرو انو انا بعدني عند دار أهلي وصراحة ما كنت لابسة منيح، لبسي كان قصير وهون انا انصدمت وفتت غيرت بس هو مع الاسف كان شافني، وبعد شوي طلبو اكل واكلو وحسيت نظراته مش مزبوطة وما تريحتلو صراحه كثير، وبعد اسبوع اجا كمان مره بس جوزي كان حاكيلي انو جاي هو وصاحبو وقدمت الواجب فخبط بايدي كأنوا مش مقصودة وابصر كيف اطلع عليا !! وصار يتردد عنا كثير واحكي لجوزي لشو بيجي ! فحكالي شو خصك انتي هاد شغلنا وبدونه ما بنعيش ويحكي ويحمد ويشكر فيه كثير ! ويوم من الايام جوزي ما برد عليا وبرن كتير عليه بس مطفي التلفون لساعه 10 بليل ! فقلقت كتير عليه وطلت الكرت تبعو وطلعت رقمو واتصلتلو وحكيتلو مرحبا انا مرت ** برنلو مطفي تلفونو قلي وقع منو وانكسر بالشغل بس هو عالطريق تقلقيش ! قلتلو شكراً الك ف رد علي بدي احكيلك اشي انت مرا منيحه وحلوه وبتستاهلي الاحسن واذا بدك اي مساعدة تستحيش انا هون وما بقصر معكو ووقت ما تعوزي اي شي أنا جاهز وفش حدا بعرف قلتلو ولا يهمك شكرا مع نوع من الاستغراب !
وبعد فترة قصيرة اجا واحد بهدد جوزي بدو مصاري وبهدد اذا ما بتدفعو يوم السبت حبس او قتل واحنا مش قد هالاشي والله حرام الي بيسير ومعناش فحكيت لجوزي شو بدك اعمل قلي ولاشي انا معيش شو اعمل يعني اشحد صرت ماخذ من المعلم ثلاث مرات ما بقدر وخلص !وانا لحتى انقذ بيتي من القتل والخراب فتذكرت انو صديقو عرض علي بسريه اذا بدي اشي ما اتردد وانا من الخوف والرهبة الي صارت معي من كل الي بيسير اضطريت اتصل عليه وطلبت منو وحكتلو انا برجعهن على اقساط والله، وفعلا تاني يوم اجا عالباب بدون علم زوجي اعطاني المبلغ وقلي ايمتا بصير معك رجعيهن ومسك ايدي وشد عليها انا معك لاي اشي ! ومن هون بلشت القصة وصار يبعتلي ويهتم فيا كثير وحسسني قدي مهمه الو وللاسف وقعني فيه وصارت اشياء كثير بينا وصرنا نحكي اكثر ومره ضغط علي وبعتت صور الي وافتح فيديوهات بلبس قصير وعارفه انو غلط شو بحكيليك حتى الامر اطور اكثر وصار يطلب مني طلبات اكثر وانا ارد مثل الهبله على اشي غلط وعارفة خيانه وراح تحكي عني عاطلة وانسانة حقيرة حقك بس ما بعرف شو صار معي لحتى يوم من الايام بعت جوزي على شغل مبيت واستغل الاشي واجا عندي وصار الي صار مع انو والله كنت رافضة بس ضعفت للصراحة وصارت المصيبة !!
ومن هداك اليوم انا صحيت وتاني يوم بعتلو رسالة انا بديش اكمل بالعلاقه وهاد غلط ومصرياتك راح يصلوك تقلقش ! فرد علي لا طبعا وبديش وانا بحبك وجوزك مديون وراح ينقتل وانا بعيشك ملكه فرفضت كل اشي لانو خلص ما بدي صحيت على حالي حتى لو متأخر شوي بس صحيت! بعد ما رفضت كثير صار يهدد ويبعت الصور والفيديوهات وتسجيلات للمكالمات هون انصدمت انا وما عرفت شو اعمل خيا احمد استغلني كثير كثير وبدل مره يعمل عمل عشر مرات تحت الرعب والترهيب والتهديد والصراحة بطلت استحمل مش قادرة اكمل بهالوساخة والله، واخر طلب قال عشان يمحى الصور بدو اياني انام مع صاحبو التاني وبتركني بحال سبيلي وقلي معك ليوم الخميس وحياتك تساعدني قبل ما انفضح وانقتل بعرف انا غلطانه ويمكن تقول عني بنت شوارع وكل الي بدك ياه بس والله انا مش هيك غلطت وكنت بدي احافظ على بيتي بس تورطت اكثر فحكتلها تمام ان شاء الله راح ساعدك واتفقت معها على خطة معينه حتى نقدر نحل هالمصيبة.
وفعلًا بعد ما اتفقت معها على خطة معينة تم الإيقاع بالمبتز وتم تسجيله بالفيديو بكامل طلباته الدنيئة واستغلال حاجتها للاسف الشديد والتوصل الى مكان الفيديوهات والصور وتم حذفها جميعًا وبعد ذلك تم الإتصال به وتحذيره قانونيًا وفعلا تم ردعه خوفا من الفضيحة او السجن مع ذلك كنت افضل السجن لهالاشكال الوسخة، ولكن موقف الفتاه صعب ومتزوجة والحمدلله تم تخليصها منً المشكلة وتابت توبة نصوحة .
تحذير خطير !!
الكم تتخيلوا حجم المصيبة الي وقعت فيها الصبية بسبب لحظة ضعف وعلى الرغم من أنها كانت حابة تساعد زوجها بس للاسف لجأت للشخص الغلط الي وقعها بمصايب، لهيك بحذر الف مرة عمركو يا صبايا م تضعفو ولا تخونو ثقة اهلكو لاي سبب كان في الحياة ما في اي سبب ممكن يستاهل عشانه تخسروا ثقة اهلكو مشانوا.
وياريت تكونوا واعيين كثييير لموضوع الابتزاز وما ترضخو بأي شكل من الأشكال للمبتزين لو وقعتو تحت التهديد، اعرفوا أنه المبتز ما بيقدر يعمل اي شي اذا كنتوا واعيين واقوياء يوجهوا واتجهتو فورا للجهات المختصة.
ومع شديد الأسف وصلني حالات هذة السنة مشابهة لهاي الحالة لا تقل عن 40 حالة للاسف الشديد والي بازدياد كل يوم ف رجاءا لا تتهاونوا بالموضوع لانه جد خطير جدا.
أرجو مشاركة المنشور على اوسع نطاق مممن لتعم الفائدة على الجميع واذا ضحايا واقعه حتى نخلصها من هذا العذاب.
تحياتي المهندس احمد بطو مختص امن المعلومات والجرائم الإلكترونية
وسفيراً لنوايا الحسنة لمنظمة يونتيك الدولية للأمان على الإنترنت
جميع الحقوق محفوظة لشركة سايبر وان المختصة في الامن السيبراني والجرائم الإلكترونية لا يحق لكم نقل او اقتباس اي شيء بدون موافقه الشركة قد يعاقب عليها القانون.
للتواصل info@cyberone.co
00972533392585
