ابتزاز فتاة من ذوي الاحتياجات الخاصة وفقدان عذريتها تحت التهديد والابتزاز، اكيد شفنا من قبل وقرأنا قصص استغلال وابتزاز جنسي من اخ لاخته ومن ام لابنها ومن زميل لزميلته وحتى استاذ لطالبته بالجامعة، لكن أنه يتم استغلال وابتزاز بل واغتصاب فتاة من ذوي الاحتياجات الخاصة جنسياً إلكترونياً بالتأكيد اول مرة ممكن نسمع فيها على الرغم من أنها بتحصل كتير في هادا العالم الافتراضي الحقير وحتى في العالم الواقعي، تابعوا القصة لتعرفوا شو صار مع الفتاة من أحداث افقدتها عذريتها.
ابتزاز فتاة من ذوي الاحتياجات الخاصة
كالعادة وأثناء عملية في الشركة تقريباً اغلب الكوارث بتوصلني بساعات الليل المتأخرة وفي هداك اليوم وتحديداً الساعة 3:20 دقيقة يصلني إتصال من صبية منهارة من البكاء بتحكي بدي احكي مع أحمد بطو بسرعة معيش وقت، بقلها احمد بحكي معك تفضلي شو بقدر اساعدك ومنهارة بالعياط وبتبكي بشكل هستيري لا يحتمل، وبعد ما هديتها وحتى افهم منها شو القصه شو صاير معها وحكتلها احكيلي كل القصة حتى افهم وبكل صراحة ووضوح وبدون اي حلقات مفقودة حتى اعرف احل المشكلة بأسرع وقت ممكن.
ابتزاز فتاة من ذوي الاحتياجات الخاصة وفقدان عذريتها تحت التهديد والابتزاز
بتحكيلي القصة انو اختي من ذوي الاحتياجات الخاصة وعندها صعوبات عقلية ومش واعية وأي شخص بيتواصل معها بيفهم أنها ما بتفهم فعلياً وأنها عندها مشكلة عقلية واضحة، واحنا ما بنعطيها تلفون خوف ما يصير اشي معها أو تعمل مصيبة بحالها سواء بالتلفون او حتى بحياتها ااذ طلعت او نزلت، بس أمي اصرت تعطيها تلفون وتحكيلنا حرام ومسكينة والي فيها يكفيها وكمان بدنا نحرمها من حياتها تكون زي غيرها من البنات، وفعلاً جبتلها تلفون والحمدلله خلال سنة ما صار اشي وبالصدفة كنت عند دار اهلي وتلفوني طفا فاخذت تلفون اختي، وفجأة الانستجرام بيرن عند اختي بإسم شخص غريب، سكرت بوجهو عاد الكرة مرات عديدة، فقلت لازم اعرف مين هادا، وفتحت الرسائل وهون كانت الصدمة أختي بتحكي مع شب بدون وعي ولا عارفة شو بتكتب وحتى أنا انصدمت كيف أنها بتكتب هيك اشي فظيع لا يحتمل ولا يمكن اصدق انو هي بتكتب وبتعمل هالاشياء المقززة والمرعبة، خاصة لأنها عندها مشاكل عقلية جداً صعبة وهاد الشخص ضحك عليها مثل البنت الصغيرة الي بدو يعطيها حبة الشوكولاتة وخلاها تتصور بشكل عاري وتعمل حركات كثيرة شنعة كثييير ومقززه مش قادرة استحمل الي شفته ؟ وهون أنا سالتها كيف عرفتي بتحكيلي فتت على المحادثة وشفت كلشي خيا والله مش قادرة احكي ولا أتنفس منشان الله انقذنا أبوي عقلو صعب اذا تفضحنا والله بتطلق امي وبيقتل اختي فش عندو رحمة وكثير قاسي وممكن يدمر حياتنا بلمحة بصر اذا عرف هالمصيبة الي حلت علينا وعلى حياتنا بسبب هالتلفون، وحياتك تساعدنا لانو الحساب مزيف بدون اسم والافظع انو بيكتبلها يلا فوتي على الحمام وصوري كزا وكزا حركات جنسية وصور عارية وحركات غريبة وفظيعة بشكل لا يوصف حتى أنها أذت نفسها وخلاها تفقد عذريتها والا بحكي لامك انك بتعملي هيك اشياء زي كأنها بنت صغيرة وهي زي المخدرة حاضر حاضر وما بتجادل أو يتناقش ولولا أنا اكتشفت يمكن كان استمرت بهالمصايب لسنين وسنين، وبنفس الوقت بسال أختي بتقلي ما بعرفو ومش صوري لانها اصلا ما بتعرف شو بتعمل خيا عندها صعوبات عقلية كثيرة بتأثر ع الإدراك عندها والاستيعاب والتعامل مع الناس يعني ما بتفهم كيف ما حكيتلك، مش عارفه اتصرف والله العظيم لاني ما بعرف الشخص حسابه مزيف وهو عارف شو بيعمل منيح وعارف انو بيستغل بنت ما بتفهم شي وحياتك تساعدنا وتخلصنا قبل ما ننفضح.
حل مشكلة ابتزاز فتاة من ذوي الاحتياجات الخاصة
حكتلها ولا يهمك تقلقيش باذن الله راح اساعدك وطلبت منها كل المعلومات والحساب واتفقت معها على خطة حتى انفذها وفعلا دخلت على الحساب لأطلع على المحادثات وهون كانت الصدمه الي من وحش بشري كان يطلب منها طلبات شيطانية حتى بالافلام الاباحية ما بعملوها والافظع من هيك اغتصبها إلكترونيا يعني خلاها تفقد عذريتها بطريقة صعبة جداً حتى انا مش قادر اصدق انو في هيك بشر ممكن تتصرف بهالطريقة الوحشية وكان عارف انها مريضة نفسياً وغير واعية ورغم هيك استغلها بدون رحمة او تفكير واذا قالت البنت اي طلب لا فورا بهددها باهلها وبالفضيحة الي هي اصلا مش عارفة شو معناها حتى لانها ما بتفهم شي.
طبعا بعد ما شفت هالجريمة الفظيعة من وحش بشري على هيئة انسان قررت استخدم كل التقنيات المتقدمة والمتطورة لدينا في شركة سايبر وان حتى اقدر احدد هوية الشخص الاصلي لانو داخل من حساب مزيف وفعلا خلال أيام قدرت احدد هوية الشخص مع المكان بالتحديد وتواصلت مع الصبية واقنعتها فعلا تقدم شكوى حتى احاسب هاد الشخص وفعلا بعد اقناع لفتره طويلة وافقت وقدمت كل الأدلة والاثباتات لشرطة وفعلا تم القبض عليه متلبس مع اغراضه وادواته واعترف بالجريمة خلال التحقيقات على اساس انها حبيبته وحاليا راح يواجه سجن لا يقل عن 10 او 15 سنه بتهمة الاستغلال الجنسي والابتزاز والتهديد والترهيب لذوي الاحتياجات الخاصة والحمدلله القصة انحلت على خير بدون فضايح بفضل ربنا .
التوعية
هاي قصة واحدة من مئات القصص الي وصلتني خلال عملي في شركة سايبر وان، والي كلهم افظع ومؤلمين اكتر من بعض ولا يمكن تتصدق كيف انو في وحوش بشرية بتستغل الفرات الضعيفة من ذوي الاحتياجات الخاصة هيك استغلال حقير، الانترنت عالم بشع جدا ومقرف سواء للأشخاص العاديين أو ذوي الاحتياجات الخاصة لهيك لازم نكون على درجة عالية من الوعي سواء النا أو لأهلنا أو لقرايبنا واصدقائنا وأولادنا ولازم نكون دائما حذريين جدا في التعامل مع الانترنت والأشخاص الغريبة الي بيتواصلو معنا من خلاله.
صح القصة كثير صعبة ووحشية لابعد الحدود وبترعب بشكل لا يصدق بس كان عندي اصرار وعزيمة اصل لهذا الشخص واحاسبه على جريمته الشنيعه جدا وبفضل ربنا قدرت اصله واحاسبه واخليه عبرة لمن لا يعتبر ، وارميه بالسجون يقضي عمره فيها نتيجة لاستغلالها وحقارته ودنائته، والاهم من هيك شهريا بصلني لا يقل عن ثلاث حالات من ذوي الاحتياجات الخاصة يتم استغلالهم بظروف صعبة كثير ومقززة للاسف الشديد، لهيك كل حدا عم يشوف المنشور وعندو اشخاص من ذوي الاحتياجات في البيت او اقارب او حتى اصحاب يبعتلهن المنشور حتى يحافظوا عليهن لانوه للاسف التكنولوجيا جدا خطيرة.
أتمنى من الجميع مشاركة المقال على نطاق كي تعم الفائدة على الجميع، لئلا تكن الضحية القادمة من اهلك، أو أحد معارفك!
تحياتي المهندس احمد بطو مختص امن المعلومات والجرائم الإلكترونية
وسفيراً لنوايا الحسنة لمنظمة يونتيك الدولية للأمان على الإنترنت
جميع الحقوق محفوظة لشركة سايبر وان المختصة في الامن السيبراني والجرائم الإلكترونية
لا يحق لكم نقل او اقتباس اي شيء بدون موافقه الشركة قد يعاقب عليها القانون.
للتواصل info@cyberone.co
00972533392585
