ظاهرة الخيانة الزوجية، تصوير العلاقة الجنسية تحت الابتزاز والتهديد، موضوعنا اليوم من اخطر المواضيع، التي انتشرت كثيراً في الآونة الأخيرة في الوسط العربي بشكل كبير، ولا اخفي عليكم انها قد تحدث مع الجميع، ولا يمكنكم البت بأنها قد لات حدث معكم نهائياً، فلا احد يعرف ماذا قد يحدث معه في المستقبل، حيث انتشرت هذه الظاهرة بشكل كبير خاصة بين المتزوجين، ومن يهمه ان يحافظ على علاقته ويحمي نفسه من هذا الخطر، فليتابع معنا احداث القصة.
تصلني رسالة على الفيس بوك، كتب فيها:
” يا ريت ترد علي بأسرع وقت ممكن ، خيا انا بورطة كبيرة وبدي اتصللك والوضع مش متحمل إنتظار ( من كلامها اتضح لي انها في مازق والموضوع خطير ) .
قلت لها: تفضلي ما القصة؟
تقول: الحمدلله انك رديت .. انت أملي الأخير خيا من بعد الله ، القصة وما فيها وبكل صراحة ما بدّي اخفي عليك اَي شي حتى تساعدني بكل سهولة .
القصة وما فيها انا مرا متجوزة وعندي 3 أولاد الحمدلله وتجوزت جواز تقليدي وكنت صغيره 17 سنة مثل كل هالناس بس بعد فترة من الزواج صارت مشاكل وكثير زوجي مهمنلي لأبعد الحدود انا والأولاد من كل النواحي وتغير 180 درجة وهالاشي خلاني حس إني وحيدة كتير ولازمني حدا يكون جنبي .. وغير حماتي إلي مخربي حياتنا فوق هيك.
فسألتها أين المشكلة؟
اجابتني: لمشكلة إنو خلال هالفترة انا تعرفت على شب عن طريق الفيسبوك وصار يهتم فيه طول النهار ويدعمني بشكل كثير حلو وصرنا نحب بعض لمدة سنتين طبعا خلال السنتين كان إنسان فش منه تقول خيا أحمد ملاك على الأرض ، وبعد فترة بلش يتغير وبسب علي ويهين فيه ويتحكم فيه بشكل مش طبيعي وأنا قررت إتركو وأتوب خلص واهتم بأولادي وأغير كل حياتي السابقة إلي كلها غلط.. فبعتلو رسالة وبقلو مرحَّبا كيف حالك من اليوم كل واحد بطريق وانا قررت أتوب والله يوفقك …(يعني بعدين إنتبهت إنو إذا جوزي مش مهتم فية ولا باولادي وانا مشغوله مع هاد وتاركة اولادي مين بدو يهتم فيهن !!! )
ظاهرة الخيانة الزوجية
فرد علي برسالة بقلي مفكرة دخول الحمام متل خروجه يا ************** وحكي جدا غير اخلاقي وحقير وقلي من اليوم بدك تدفعي وتعملي شو بدّي وبعدها بفكر اذا أتركك اه او لا ?
فسألتها: ما الأشياء الخطيرة التي من الممكن ان يؤذيكي بها؟
اجابتني: بصراحة كنت افتح معو مكالمات فيديو وكنت أتعرى بالكامل وكمان معو صور عارية الي وبعرف اسرار كثير عني وغير التسجيلات الصوتية? فسألتها كيف عرفتي انو مسجل ، بتقلي جيتك بالحكي لأنو اول مره طلب مني احولو 5000$ او بنشر الفيديوهات والصور على الإنترنت وببعتهم لكل العيلة على الفيسبوك وكان معو الفيسبوك تبعي , وطبعا بعتلي الصور والفيديوهات الي مسجلهم على الواتساب وكمان استغل وضعي المادي المنيح فحولتلو المصاري اول مرة واتفقنا وحلف انو ما بتعرضلي…
بعد بشهر ببعتلي من رقم غريب على واتساب لانو عملتلو بلوك من كل محل، بقلي حلو والله بتعمليلي بلوك طيب بدّي 7000$ يا بفضحك .
قلتلو اتفقنا انو خلصت العلاقة ودفعتلك!!
فقلي صح بس انا بدّي اياهم قرضة وبرجعهم قلتلو والله ما معي وجوزي بيشعر بهيك مبلغ(يعني انو مالو مبلغ قليل وشو بدي بررلو ) وأنت عارف منيح هالاشي .. قلي ما خصني بيعي ذهبك وبرجعلك إياهن بس يصير معي ..قلتلو أنت بتهدد ولا بدك مساعدة قال التنتين ومعك يومين بس وبعدها راح ابعت لإخوتك وكل اهلك قتلو خلص اصبر يومين وبدبر حالي ..
وبالفعل بعد اسبوع حولت المبلغ على قسمين وقلتلو خلص هاي اخر مرة..
قلي يلا كل حدا بطريق وحلف الف يمين ،
المهم خيا غيرت رقمي وتلفوني ومحيت الفيسبوك وكل اشي حتى اخلص منو بس للاسف ما تركني وبعت على رقم اختي وبقلها انا صاحبها وخليها تبعت رقمها الجديد قبل ما افضحها!!!
قوليلها (محمود) …
المهم اختي بتتصل فيه وبتقلي مين محمود بهدد بدو يفضحك وأبصر شو قلتلها ما بعرفو صوّري المكالمة حتى اعرف الرقم وابعتلو لانو متت خوف ويفضحني المهم بعتلو وبقلي شفتي كيف متل البنت الشاطرة بعتيلي بقلو شو بدك صح اتفقنا؟؟!
قال اه بس انا بحبك ومن هالحكي وبديش مصاري بس بدّي نرجع زي ايّام زمان بقولو خلص مستحيل !!
الخيانة وتصوير العلاقة
قلها طيب اتحملي راح اسا ابعت الفيديو وطبعا ضغطني كثير وفرجاني كيف بدو يبعت بس يكبس إرسال قلي اسمعي منيح بدّي تصوري وانتي نايمه مع جوزك (اي تصوير العلاقة الجنسية) وتبعتيلي ايا حابب استمتع وتخيلني انا زي ايّام زمان.
قلتلو مستحيل قلي طيب باي… وراح ابعت قلتلو خلص راح اعمل شو بدك طبعا خيا انا خايفة اخسر بيتي واولادي وكمان سمعة اهلي انا بعرف حالي غلطت طبعا وبلشت تسب عحالها ..
أتمنى من الجميع مشاركة المقال على أوسع نطاق كي تعم الفائدة على الجميع، لئلا تكن الضحية القادمة من اهلك، أو أحد معارفك!
فسألتها: اياكِ أن تقولي لي انك قمت بذلك؟
قالت: للاسف صورت كل اشي صار بينا وبعتو وبعدها قلي ممتاز اسا بدّي منك 20 الف دولار ، قتلو بتمزح قال طيب اسا بنشر الفيديو مش بس انتي وجوزك بكل بلدك، يا بتدفعي معك اسبوعين وكل هاد لانو بعرف وضع جوزي المادي كثير منيح !!
قلتلو معيش هالمبلغ اطلاقا ولا جوزي قال بدك اتدبري ما خصني المهم حتى أعطله قلتلو طيب ..
وانا خيا مش عارفه شو اعمل ساعدني داخله عليك من شان الله.
قلتلها بإذن الله ساساعدك، واعود لك.
بالفعل عدت لها بعد يوم كامل مع فحص جميع المواد ومنها الأمور التقنية والقانونية مع استرجاع جميع المحادثات والصور وغيرها.
مع تأكيدي على مساعدتها، على الرغم من صعوبة القضية، حيث بدأ عملي وبدأت في استدراج الشاب بطرق مختلفة من خلال المحادثات وايضاً تقنياً بوسائل متقدمة، وعلى الرغم من تواصل السيدة معه، إلا انها لا تعرف معلوماته الحقيقية مثل اسمه، لانه كان يحادثها تحت اسم مستعار، وايضاً الحوالات باسم صديق له من بلد آخر. وعلى الرغم من كل ذلك إلا انه اني بعد فترة من العمل الشاق والجهد الجهيد، استطعت ان اكشف اسمه الحقيقي ومكانه ومنطقته بالتحديد، بالإضافة لمكان عمله وباختصار جميع معلوماته كانت ابفعل دقيقة.
وبعد ذلك تم رفع شكوى رسمية من خلال محامي خاص بشركتنا في بلد المبتز، حيث كان المبتز خارج البلاد، وتم بعدها التواصل مع وحدة الجرائم الالكترونية وتقديم جيع الأدلة المثبتة من خلال مقاطع صوتية وفيديوهات، وامور تقنية عديدة تثبت الجريمة عليه بالشكل القاطع.
وتم اصدار امر للتفتيش والاعتقال بشكل فوري بحقه والقبض عليه مع جميع المعدات داخل بيته وانتهت القصة على هير دون أي فضيحة بفضل الله.
وبعد هذه الحادثة من ظاهرة الخيانة الزوجية التي يشيب لها شعر الراس، والتي من المفترض ان نكون على درجة وقدر من الوعي بشأنها كي نحمي أنفسنا من هكذا خطر من الممكن ان يحدث ع أي شخص.
وهنا يجب ان نقف وقفة مع انفسنا سواء نساء او رجال وبالأخص المتزوجين، حيث يجب ان يعي الراجل واجباته تجاه بيته وأهله واسرته، وان لا يهمله مهما تعرض لضغط عمل او غيره، فكل اهل بيته لهم عليه حق، وكذلك الزوجة، ويجب ان يعوا جيداً لوجود أبناء بحاجة لاهتمام وعناية كبيرة منهم!
ويجب على السيدات ان يكن على قدر كبير من الوعي، ولا يقعن في شباك أي شخص يقول أحبك او يهتم بك، لانهم فقط مستفيدين جنسياً وبعدها اما سيفضحك او يبتزك! حتى وان فقدتي الاهتمام في بيتك، ويجب ان تكون مخافة الله بين اعيننا جميعاً وحاضرة في كل الأوقات.
وقد يستغرب الكثيرين من حدوث مثل هذه الظاهرة من الخيانة الزوجية في مجتمعاتنا، وانا أؤكد لكم من وجود هذه الحالات وبشكل كبير، فقد بلغ عدد الحالات التي وصلتني هذا الشهر ما يقارب ال 20 حالة خيانة زوجية بل وافظع من هذه القصة! لذا فإن مررت بنفس الحالة ونفس القصة فل تتردد في التواصل معي لمساعدتك في حل مشكلتك، لمحاولة تفادي المشاكل وحلها بأقل الخسائر، دون ان يتأذى أي شخص!
تحياتي المهندس احمد بطو مختص امن المعلومات والجرائم الإلكترونية
وسفيراً لنوايا الحسنة لمنظمة يونتيك الدولية للأمان على الإنترنت
جميع الحقوق محفوظة لشركة سايبر وان المختصة في الامن السيبراني والجرائم الإلكترونية لا يحق لكم نقل او اقتباس اي شيء بدون موافقه الشركة قد يعاقب عليها القانون.
للتواصل info@cyberone.co
