عصابة جديدة تستهدف الفتيات في البلاد، استغلال جنسي وابتزاز مادي ايضاً، كثيراً ما كنا نسمع عن شخص يتسلى بفتاة، ويتركها بعد فترة، ولكن اليوم اصبحنا نرى ونسمع قصص عصابات مجتمعة مهمتها الأساسية الإيقاع بالناس، وتكون هذه العصابات قوية وذكية، وهو الامر الخطير فعلاً، والذي يجب ان نأخذ حذرنا الكبير منه لكي نحمي انفسنا وشبابنا وبناتنا من الوقوع في مثل هذه المشاكل الكبيرة والكارثية.
توجهت لي فتاة على الفيس بوك تقول: انا محتاجه مساعدتك بأسرع وقت ممكن خيا !!
وانت اخر أمل الي قبل ما انتحر ومشكلتي كتير صعبة ونفسيتي متدمرة علأخر ارجوووك .
بعدما اطلعت على الرسالة قمت بالرد عليها فوراً، وقلت لها: تفضلي اختي، ما قصتك كي استطيع مساعدتك.
اجابت وهي منهارة من البكاء:
من خلال تصفحي على الانستغرام وصلتني اضافه كالعادة.. من شب حلو وبنفس الوقت عنده متابعين كثير وحسابه فعّال ، حكيت بداخلي ليش لحتى أرفضو بالعكس بقبلو ..فأنا على هاد الأساس قبلت الاضافه وبعد يومين بعتلي رسالة ..
مرحبا كيف حالك ؟! وبلش الحديث بينا وشوي شوي بلش يتقرب مني ( بدي يعرف عن حالو ليقدر يتقرب مني ويحسسني أنو هو مجرد صديق ) وحكالي انو هو عايش في تركيا وعمره 28 ورجل أعمال ومأسس حاله وعم بدور على عروس وهو اختارني،وعندو إستعداد يسكن في البلاد ، ويسافر مره كل شهرين على تركيا لمده ثلاث إيام لحتى يمّشي شغلو ..(طبعاً هون كان سبب رئيسي لأيقاعي بالفخ ، بشكل عام كل بنت بتتمنى رجل يكون حلو ومعو مصاري وعندو شغل وتعيش معو بحُب…وكان أسلوبو جدا ذكي بالكلام) ..وخلال الفتره الاخيره راح ينزل على البلاد لحتى يشوفني وهيك.
عصابة جديدة تستهدف الفتيات في البلاد
المهم انا اقتنعت وصدقتو وحبيتو من كل قلبي وبلشت ابعتلو صور وفيديوهات خاصة الي ، وكمان كنا نحكي على السكايب مكالمات فيديو ..وانا الصراحه كنت اطلع شبه عاريه !!
سألتها هل كان يقوم بفتح مكالمة فيديو هو ايضاً؟؟؟
بتقلي ما كان يفتح فيديو ، بس صوت . فسألتها ما السبب!! تقول: انو اقنعها وحكالها في اسباب خاصة إلي بتمنعني للأسف ..لما يشوفني راح يقلي .. وكان يبعتلي كل يوم الصبح مقطع فيديو الو عن طريق الانستغرام وينمحي بعد ثواني (كنت استغرب أنو ليش يمسحهم ، معقول مابيوثق فيه.. ليش انا بس ابعتلو مابحذفهم !! وبوثق فيه وصرت اتسائل شو الاسباب إلي بتمنعو .. بس بعد كل تساؤل كنت إمسح كل شي فكرت فيه بوهم الزواج والاستقرار) المهم بعد هل فتره بقلي اسمعي انتي وقعتي بالفخ .. مافي جواز ولا في اشي بدّي مصاري وبس … يا بفضحك ، معي كل صورك وفيديوهاتك إلي كنت تبيني فيهن وانت مش لابسة وشبه عارية ..المهم خيا صارلي على هاد الحال شهرين ، بحول مصاري تقريبا وصلت ل 3500 دولار .. يا بفضحني !! وانا مش قد الفضيحه والله بموت ، يعني صعبة أتعايش كوني بنت صبية أنفضحت ونظرات الناس حتموتني أكتر، ومعاشي عّم ادفعو كل شهر ألو ،
فسألتها كيف تقومي بتحويل المال له ؟؟
تقول عن طريقه عملة غريبه #البتكوين ..كنت أشتريها والشب يحولها لرقم حسابه بكل مرة وهاي خيا كل القصه وانا خايفه كثير ومش عارفة الاقي حل ، بيطلب مصاري وكمان طلبات جنسية يوميه، قالتلي بعطيك شو بدك بس خلصني لانو ما ضَل معي مصاري وأهلي بسألوني وين بتروحي بمصرياتك كل شهر واحنا وضعنا صعب وما بزبط هيك وصار شك بالموضوع من قبل اهلي كثير كبير …
وهنا فهمت القصة، وأكدت لها اني سأقوم بمساعدتها باذن الله بكل قدراتي التقنية، ولا اريد أي مقابل مادي او غيره، فقط عدة تفاصيل مهمة لحل القضية، وبعد أسبوع من العمل الصعب والمرهق، اخيراً استطعت ان اخلص الفتاة من هذا الابتزاز الجنسي والمادي بأفضل الحلول وبجدون أي اضرار.
واهم ما توصلت اليه اعزائي في هذه القصة، ان هذه العصابة جديدة في البلاد، تستهدف الفتيات من جيل 19- 36 عام، حيث تم الإيقاع بحوالي 8 فتيات حتى الآن، وجميعهن قام بالتوجه لي خلا فترة قصيرة بنفس الطريقة والأسلوب ونفس صورة المبتز، حيث تستخدم العصابة افضل التقنيات المتقدمة للايقاع بالضحايا، مما يجعلنا اكثر خوفاً من حدوث مشاكل وتورط اكبر عدد من الفتيات.
حيث تقوم باستخدام حسابات جديدة ومشهورة ايضاً وموثقة، بالإضافة لبرامج تصميم ومونتاج متقدمة اشبه بالهوليود والعديد من الأمور التي لم تذكر.
أتمنى من الجميع مشاركة المقال على أوسع نطاق كي تعم الفائدة على الجميع، لئلا تكن الضحية القادمة من اهلك، أو أحد معارفك!
تحياتي المهندس احمد بطو مختص امن المعلومات والجرائم الإلكترونية
وسفيراً لنوايا الحسنة لمنظمة يونتيك الدولية للأمان على الإنترنت
جميع الحقوق محفوظة لشركة سايبر وان المختصة في الامن السيبراني والجرائم الإلكترونية لا يحق لكم نقل او اقتباس اي شيء بدون موافقه الشركة قد يعاقب عليها القانون.
للتواصل info@cyberone.co
